Juve shtang Interin, arrin marrëveshje me Kumbullën

Marash Kumbulla, me përfundimin e këtij sezonit pritet të largohet nga Hellas Verona. Klubi italian do të përfitojë nga shitja e mbrojtësit të kombëtares, i cili ka bërë një sezon të mirë në Serie A, që në debutim. Kjo nuk ka kaluar pa u vënë re.

Napoli, Inter, Lazio dhe Fiorentina janë klubet e interesuara për shërbimet e djaloshit nga Malësia e Madhe. Zikaltrit janë parë si favoritët, por tashmë situata është tjetër. Juventusi raportohet se ka arritur marrëveshje për shërbimet e shtatlartit.

?BREAKING?

Juventus have reached an agreement to buy Kumbulla. A 5-year deal for the player. For Verona 32mln€ or with youth players going to other way.

[La Stampa] pic.twitter.com/oyTLLw8A1u

— Bianconeri Zone (@BianconeriZone) June 6, 2020

Edhe verën e shkuar bardhezinjtë e kërkuan, por plani ishte që të aktivizohej me ekipin e dytë. Kumbulla mendoi të qëndronte te Hellas Verona dhe tani me Juventusin ritakimi bëhet në kushte të tjera dhe me një eksperiencë mjaft të rëndësishme si kjo e këtij sezoni.

“La Stampa” shkruan se torinezët kanë parakaluar Interin për shërbimet e Kumbullës dhe kanë rënë 32 milion euro për ta veshur bardhezi të riun. Hellas Verona është raportuar se kërkon 30 milion euro dhe oferta kuptohet që është mjaft e mirë. /IndeksOnline/