Kampioni i Evropës mposhtet nga Dortmund në miqësore
Liverpool ka humbur 3-2 ndaj Borussia Dortmund në miqësoren parasezonale
Kampionët evropianë kanë udhëtuar në Amerikë ku do të përballen me Sevillan dhe Sporting.
Por së pari ishte një ndeshje kundër ish-skuadrës së Jurgen Klopp, Borussia Dortmund.
Kjo ishte një mundësi për shumë nga lojtarët që ndihmuan Liverpulin të fitojnë trofeun e Ligës së Kampionëve në Madrid më 1 qershor për të bërë paraqitjen e tyre të parë të këtij sezoni.
Kishte shfaqje gjysmë ore nga Virgil van Dijk, Trent Alexander-Arnold, Andy Robertson, Jordan Henderson dhe Georginio Wijnaldum.
Por ata nuk mundën ta pengonin humbjen 3-2 në stadiumin Notre Dame.
Dortmund ishte shumë afër në garën e tyre për titull në sezonin e kaluar, pasi ata përfunduan dy pikë prapa Bayern Munich.
Por, duke nënshkruar këtë verë me Thorgan Hazard, Nico Schulz, Julian Brandt, si dhe me Paco Alcacer në sulm dhe me rikthimin e Mats Hummels, Dortmund do të kërkojë të shkojë më mirë këtë herë.
Dhe u desh vetëm tre minuta që Alcacer të vinte Dortmundin përpara.
Por Harry Wilson barazoi para përfundimit të pjesës së parë. 22-vjeçari ka impresionuar në kampionatin për Hull dhe Derby në dy sezonet e mëparshme dhe do të shpresojë të vazhdojë formën e tij në ekipin e parë të Liverpoolit këtë sezon.
Dortmund bëri nëntë ndryshime para pjesës së parë dhe mori avantazh prej 3-1 falë golave nga Thomas Delaney dhe Jacob Bruun Larsen.
Ishte koha që Liverpuli të bënte 10 ndryshime kur ata shënuan një gol nga pika e bardhë e penaltisë përmes Rhian Brewster – goli i tij i pestë në para sezon.
Klopp pranoi se ai nuk ishte ‘i impresionuar’ në lidhje me performancën e Liverpool, por e di se është ende vetëm para sezonit.
“Kishte shumë gjëra të mira, disa gjëra që nuk më pëlqenin, kjo është normale në përgatitjet parasezonale”. Unë vendos se çfarë bëjmë në stërvitje dhe e di sa shumë kemi bërë dje në kushte shumë të ngrohta moti, por ende nuk më pëlqen ajo që unë shoh në lojë shumë shpesh në këto stërvitje parasezonale, por e di arsyen për këtë”- tha trajneri i Liverpool./Indeksonline/