21:32 / E Premte, 05 Qershor 2020

Kanye West, Jay-Z dhe Drake në mesin e artistëve më të pasur në botë

Forbes ka publikuar listën e saj vjetore të të famshmëve më të paguar në botë.

Pasi u shpall miliarder në prill, Kanye West renditet në numrin 2 me 170 milionë dollarë. West, i cili pretendon se ka më shumë se 3 miliardë dollarë, bëri pjesën më të madhe të pasurisë së tij nga perandoria e tij e atleteve Yeezy me adidas.

Kunata e Kanyes, Kylie Jenner, kryesonte tabelën me 590 milionë dollarë pasi shiti 51 përqind të aksioneve në markën e saj Kylie Cosmetics në Coty në janar. 

Muajin e kaluar, Forbes revokoi statusin e saj të miliarderes, duke pretenduar se ajo kishte ekzagjeruar madhësinë e biznesit të saj. Megjithatë, paratë që ajo tërhoqi nga marrëveshja mbetet një nga arkëtimet më të mëdha të të famshmëve të të gjitha kohërave.

Yjet e Hip-hopit mbizotëruan në listë duke përfshirë Sean “Diddy” Combs në pozitën e 37. Partneriteti i tij me vodka Ciroc të Diageo e ndihmoi të fitonte 55 milionë dollarë. 

Miliarderi i parë i hip-hopit , JAY-Z, vijon në pozitën 42, falë investimeve të tij në shampanjën Armand de Brignac dhe konjakun D’Ussé.

Drake renditet në numrin 49 me 49 milionë dollarë.

Artistë të tjerë në listën e Celebrity 100 përfshijnë Ariana Grande (nr. 17, 72 milionë dollarë), Ed Sheeran (nr. 23, 64 milionë dollarë), Jennifer Lopez (nr. 56, 47.5 milionë dollarë), Rihanna (nr. 60, 46 milionë dollarë) , dhe Will Smith (Nr. 69, 44.5 milionë dollarë).

Mos i humb