Kanye West pretendon se “shumë njerëz përpiqen të përfitojnë prej tij”

Kanye West  ka pohuar se “shumë njerëz përpiqen të përfitojnë prej tij”, gjatë dëshmisë në gjykimin që po zhvillohet për të drejtat e autorit.

Një padi kundër reperit u ngrit në vitin 2024, duke pretenduar se West përdori elementë nga një këngë e quajtur ‘MSD PT2’ në ‘Moon’ dhe ‘Hurricane’, transmeton IndeksOnline.

Pavarësisht pretendimit se atij iu refuzua leja për të eksperimentuar me këngën, padia pretendon se West e bëri këtë gjithsesi.

Khalil Abdul Rahman, Sam Barsh, Dan Seeff dhe Josh Mease, muzikantët që qëndrojnë pas ‘MSD PT2’, po kërkojnë 500 mijë dollarë dëmshpërblim nga West.

West dëshmoi në gjyq dje, duke i thënë gjykatës se “kaluan nëpër procesin normal” për të marrë mostrat e nevojshme të këngës.