Kardiologu Bekeri: Sulmi në zemër shkaktar numër një i vdekjeve në botë, rekomandohet stres testi për parandalim

Sëmundjet e zemrës janë një problematikë e madhe me të cilën po ballafaqohen njerëzit në botë.

Këto sëmundje janë edhe një ndër faktorët kryesorë të vdekshmërisë.

E cilat masa duhet të merren, në Klan Kosova ka folur kardiologu Baton Bekeri.

Bekeri ka rekomanduar bërjen e një “stres testi” apo ergonometrisë një herë në vit te moshat mbi 40 vjeç.

“Është një test shumë i thjeshtë, por jashtëzakonisht i rëndësishëm i cili realizohet nëpërmjet një shiriti vrapues, ku pacientit i lidhen disa elektroda për një monitorim qendror dhe ne kardiologët e monitorojmë punën e zemrës gjatë aktivitetit fizik dhe diagnostikojmë me kohë ndonjë prezencë të enëve të gjakut në zemër”, tha ai.

Ai tha se qëllimi i këtij testi është parandalimi.

Kardiologu tha se në bazë të përvojës së tij në 70 për qind të rasteve problemi kryesor është infarkti akut i myokardit apo siç njihet “sulmi në zemër”.

“Kjo është sot një pandemi globale sa i përket sëmundjeve të zemrës dhe është e ranguar në ranglistat botërore si shkaktari numër një i vdekjeve në botë, Kjo është patologjia kryesor në Kardiologji”, theksoi Bekeri.