75 Mall Live Search
10:46 / E Enjte, 16 Janar 2025 / MSH

Karnavalet në Venecie i dedikohen Giacomo Casanova-s

Karnavalet në Venecie do të zhvillohen nga 14 shkurt deri më 4 mars dhe këtë vit i kushtohen Giacomo Casanova-a.

Casanova, i lindur 300 vjet më parë në Venecie, njihej për joshjen e grave, por konsiderohej edhe diplomat dhe spiun dhe ka statusin e heroit në Itali.

Organizatorët e festivalit bëjnë të ditur se hapja do të shënohet me një kortezh përgjatë kanalit të madh si edhe do të ketë parada në ujë, gondola, topa të maskuar dhe parada të natës.

Ngjarja qendrore zhvillohet në sallonin “Ca’ Vendramin Calergi”, ku bileta kushton rreth 700 euro.

Ndër eventet e tjera të njohura është edhe përzgjedhja e 12 të rejave më të bukura në Venecia.

Festivali u mbajt për herë të parë në shekullin e 14-të dhe gjatë historisë shpesh ishte i ndaluar, ndërsa në formën e tij aktuale ekziston për rreth 100 vjet.