22:11 / E Enjte, 01 Nëntor 2018 / indeksADMonline

Këshilltari i Thaçit tregon se a është biseduar me Vuçiqin për kufijtë e Kosovës

Blerim Shala, këshilltar politik i presidentit të Kosovës, Hashim Thaçi, ka treguar se çfarë kanë biseduar në takim presidenti kosovar dhe homologu i tij serb, Aleksandar Vuçiq.

Ai ka thënë se presidenti i Kosovës dhe ai i Serbisë nuk kanë folur për shkëmbim të territoreve, por sipas tij, bisedimet janë bërë për ndonjë mundësi të marrëveshjeve për kufijtë.

Shala ka thënë se bisedim ka pasur edhe për rregullim të raporteve mes dy shteteve.

“Ne duhet të synojmë një njohje formale nga Serbia. Nëse ata nuk e bëjnë këtë, ne nuk duhet të bisedojmë më me Serbinë”, ka thënë Shala në T7.

Kujtojmë se sot ka dështuar miratimi i rezolutës së propozuar nga LDK për ndalimin e presidentit të Kosovës Hashim Thaçi për t’i diskutuar kufijtë e Kosovës me Serbinë.