Këto janë katër vendet që bashkërisht pritet të organizojnë Kupën e Botës 2030

Kupa e Botës 2030 mund të organizohet bashkërisht nga Argjentina, Kili, Uruguai dhe Paraguaj, spias Tyc Sports.

Sipas raportimeve, drejtuesit e shoqatave të futbollit të Argjentinës, Uruguait, Paraguajit, Kilit dhe presidenti i FIFA-s Infantino do të zhvillojnë një takim në Argjentinë. Drejtuesit e katër shoqatave kombëtare të futbollit dhe presidenti i CONMEBOL Dominguez do të përpiqen që Amerika e Jugut të marrë ofertën e përbashkët për Kupën e Botës 2030.

“Kupa e Botës 2030 nuk është një Botëror i zakonshëm. 100 vjet më parë, Botërori i parë u mbajt në Amerikën e Jugut në vitin 1930. Duke marrë parasysh 100 vjetorin e Kupës së Botës, Kupa e Botës duhet të mbahet në Amerikën e Jugut. “, tha Dominguez, transmeton IndeksOnline.

Zgjedhja e vendit se ku do të mbahet Kupa e Botës 2030 do të bëhet në Kongresin e 74-të, të FIFA-s në vitin 2024, dy vjet para Kupës së Botës 2026 në Shtetet e Bashkuara, Meksikë dhe Kanada. Ideja e një oferte të përbashkët për Kupën e Botës 2030 erdhi fillimisht nga Uruguai dhe Argjentina, të cilët ishin finalistë në Kupën inauguruese FIFA në Montevideo në 1930.

Në përpjekjen e tyre për të pritur Kupën e Botës 2030, kombi i Amerikës së Jugut do të duhet të konkurrojë me Spanjën dhe Portugalinë, të cilat gjithashtu kohët e fundit shprehën interes për të shtuar Ukrainën në listën e tyre të ngushtë. Mund të ketë një alternativë të tretë midis Greqisë, Egjiptit dhe Arabisë Saudite, por kjo ende nuk është konfirmuar zyrtarisht.

Gjatë vitit 2021, presidenti i FIFA-s Infantino një herë tha: “Do të ishte mirë të prisje Kupën e Botës në Amerikën e Jugut”. /IndeksOnline/