Khabib pozon para veturës së shefit të UFC-s – më pas fjaloset me të

Khabib Nurmagomedovit nuk do t’i hiqet titulli i kampionit të peshave të lehta pasi presidenti i UFC, Dana White tha se rusi do ta mbajë absolutisht titullin e tij.

Khabib kërceu nga kafazi disa momenti pas fitores në raundin e katërt dhe e sulmoi ekipin e McGregor – në një incident që shkaktoi debat të gjerë.

Por, White e ka konfirmoi se Nurmagomedov do ta mbajë titullin e tij, transmeton IndeksOnline.

”Absolutisht, Khabib do ta mbajë titullin e tij. Ai mund të pezullohet, ndoshta me një pezullim gjashtë mujor”, tha White për TMZ.

Pas kësaj, Khabib reagoi ndaj këtyre komenteve në rrjetet sociale, duke pozuar para veturës së Dana Whites me brezin e tij.

”Jeni me fat që më dhatë brezin tim, sepse mund t’ju shkatërroja veturën tuaj. E di lokacionin e parkingut tuaj”.

White më pas u përgjigjë duke thënë se do t’i ”tregojë babait të tij” nëse do ta bënte një gjë të tillë./IndeksOnline/