Kida publikon “Inati & Taka”, ja surpriza e videoklipit të ri

Kida ka publikuar projektin e saj më të ri muzikor, “Inati & Taka”, duke hyrë fuqishëm në sezonin veror me ritme që premtojnë të shoqërojnë publikun gjatë gjithë verës.

Artistja ka zgjedhur të bashkojë dy këngë në një projekt të vetëm, duke ofruar një kombinim interesant muzikor që vjen i shoqëruar me një videoklip modern dhe estetik, të realizuar me kujdes në çdo detaj.

Një nga elementet që ka tërhequr vëmendje në klip është paraqitja e dy emrave të njohur për publikun shqiptar, moderatorja Sara Kolami dhe influencuesja Aneta Beri. Prania e tyre i shton dinamizëm dhe elegancë projektit, duke krijuar një atmosferë të freskët dhe mjaft tërheqëse vizualisht.

Me energjinë karakteristike dhe stilin që e ka shoqëruar ndër vite, Kida vazhdon të sjellë hite që identifikohen lehtësisht me sezonin veror. “Inati & Taka” është tashmë i disponueshëm për publikun dhe pritet të jetë një nga këngët më të dëgjuara të kësaj vere.