Klopp mund të denohet, ja çfarë i tha gjyqtarëve pas ndeshjes
Trajneri gjerman, Jurgen Klopp mund të denohet për komentet e tij pas barazimit 1-1 kundër West Ham United.
Kryetrajneri i Liverpoolit ishte shumë i frustruar me referimin e gjyqtarëve dhe përveç që u’a tha këtë direkt atyre, doli edhe publikisht me kritika.
“Pas pjesës së parë dëgjova që goli ynë ishte offside. Jam shumë i sigurtë që edhe gjyqtari e dinte këtë dhe në pjesën e dytë u ndikua. Ne jemi njerëz dhe bëjmë gabime por duhet të jemi të kujdesshëm. Gjyqtari anësor në pjesën e dytë nuk ishte vetëvetja” deklaroi Klopp.
Federata e futbollit të Anglisë, zakonisht në këto situata merr masa ndaj trajnerëve, ka ndodhur edhe në të kaluarën me Jose Mourinhon, Arsene Wenger etj. /Indeksonline/