Klopp sakrifikon Shaqirin për sulmuesin e ”harruar” të La Ligas

Interesimi i Liverpoolit për Iker Muniain i ka hapur dyert Xherdan Shaqirit të largohet nga klubi, gjithnjë sipas mediave.

Muniain, të cilit i skadon kontrata në fund të sezonit te Bilbao, pritet të marrë ofertë nga Liverpooli.

Pozita e tij natyrale është e anësorit të majtë, por ai ka aftësi të luajë kudo në sulm, dhe kështu ardhja e tij do ta përforconte sulmin, i cili është përmirësuar me ardhjen e Shaqirit, transmeton IndeksOnline.

Reprezentuesi zviceran iu bashkua Mo Salah, Roberto Firminos dhe Sadio Manes në sulm, pas sezonit të jashtëzakonshëm të treshes sezonin e kaluar.

Shaqiri ka startuar në vetëm katër ndeshje që prej kalimit te Liverpooli dhe ka shënuar vetëm një gol, por nëse arrihet marrëveshja me Muniain, atëherë Shaqiri do të ishte zgjedhja e dytë para tij.

El Gol Digital shkruan se Klopp mund ta sakrifikojë Shaqirin për ta garantuar transferimin e Muniain, derisa Real Betisi duket i gatshëm ta transferojë mesfushorin nga Zhegra./IndeksOnline/