Komunikimi tinëz në Vetëvendosje, ky është reagimi i Albin Kurtit

Themeluesi i Lëvizjes “Vetëvendosje”, Albin Kurti përmes një letre të dërguar nga burgu, e që e njëjta u lexua në Këshillin e Përgjithshëm, kritikoi disa prej zyrtarëve të partisë për komunikim pas shpine.

“Unë jam çuditur shumë e zhgënjyer thellë për qasjen destruktive, për dëshirën për arrestimin që na u bë, për linjën e posaçme të komunikimit prapa shpinës së organeve të VETËVENDOSJE!-s. Thelbi nuk është fjalori i saj, por kjo ndjenjë armiqësore ndaj meje, ky komunikim tinëz e kush e di për çfarë qëllimesh, e që janë fort shqetësuese”, thuhet ndër të tjera.