Konfirmohet, doktori holandez i fertilitetit është babai i 49 fëmijëve
Një mjek holandez i fertilitetit i akuzuar për përdorimin e spermatozoidit të tij për inseminimin e pacientëve pa pëlqimin e tyre, është konfirmuar si babai i 49 fëmijëve, transmeton Indeksonline.
Testet e ADN-së zbuluan se Jan Karbaat, i cili vdiq dy vjet më parë, la shtatëzënë nënat 49 fëmijëve në klinikën e tij në Bijdorp, pranë Roterdamit.
Rezultatet u konfirmuan të premten pasi gjykatësit lejuan lirimin e tyre.
Një nga fëmijët, me emrin Joey, tha se ai mund “përfundimisht të mbyllë kapitullin” pasi tani e dinte se Karbaat ishte babai i tij.
“Pas një kërkimi prej 11 vjetësh mund të vazhdoj jetën time, jam i kënaqur që më në fund kam qartësi,” tha ai për transmetuesin holandez NOS.
Tim Bueters, një avokat i cili përfaqësonte 49 fëmijët, tha se ishte i kënaqur me rezultatin e çështjes pas viteve të pasigurisë.
“Kjo do të thotë se ka qartësi përfundimtare për fëmijët që përputhen”, tha ai.
Karbaat u mor për herë të parë në gjykatë në vitin 2017 nga një grup fëmijësh donatorësh dhe prindërve të tyre mbi dyshimet që ata kishin lidhje.
Një nga rastet përfshinte një fëmijë dhurues i cili fizikisht i ngjante mjekut.
Gjykatësit vendosën në 2017 se testet e ADN-së mund të kryheshin por thanë se rezultatet duhet të mbyllen në pritje të rezultateve të rasteve të mëtejshme gjyqësore.
Në shkurt të këtij viti, Gjykata e Qarkut në Roterdam vendosi që rezultatet e testeve të mund të zbuloheshin më në fund.
Ata vërtetojnë dyshimet serioze se Karbaat përdori spermën e tij në klinikë, thotë një deklaratë në faqen e internetit të firmës ligjore Rex Advocate.
Karbaat e quajti veten “një pionier në fushën e fekondimit”. /Indeksonline/