23:33 / E Mërkurë, 08 Korrik 2020

Konfirmohet rasti i parë me COVID-19 në Junik, komuna që s’pati asnjë të infektuar

214 raste të reja janë konfirmuar nga IKSHPK si të infektuar me koronavirus.

Kësisoj numri i të infektuarve ka shkuar në 4 mijë e 100 persona dhe 86 vdekje.

Më së shumti raste të infektuar me COVID-19 së fundi pati në komunën e Prishtinës, duke vazhduar më pas me Ferizaj e Mitrovicën.

Ajo çfarë bie në sy sonte në njoftimin e IKSHPK-së është se është konfirmuar edhe rasti i parë në komunën e Junikut, që ishte ndër komunat e pakta pa asnjë të infektuar deri më tani, transmeton Indeksonline.

Njoftimi:

Sot më 08 korrik 2020, në Laboratorin e Mikrobiologjisë Molekulare në IKShPK me metodën RT-PCR, janë testuar gjithsej 413 mostra të marra nga Klinika Infektive dhe gjurmimi i kontakteve të rasteve në terren prej të cilëve rezultojnë 214 raste pozitive.

Numri total i rasteve pozitive është 4.100 raste nga 26.425 persona të dyshimtë në virusin SARS-CoV-2, me gjithsej 86 raste të vdekjes të cilët kanë pasur sëmundje të tjera shoqëruese.

Sot më 08 korrik 2020, janë shëruar 60 pacientë derisa numri i përgjithshëm i të shëruarve deri më sot është gjithsej 2.063 raste, kurse raste aktive është 1.951.

Rastet pozitive janë nga: komuna Prishtinë 68 raste, komuna Ferizaj 55 raste, komuna Mitrovicë 35 raste, komuna Fushë Kosovë 13 raste, komuna Prizren 10 raste, komuna Lipjan 8 raste, komuna Vushtrri 6 raste, komuna Drenas 3 raste, komuna Podujevë 3 raste, komuna Gjakovë 2 raste, komuna Skenderaj 2 raste, komuna Obiliq 2 raste, komuna Han i Elezit 2 raste, komuna Malishevë 2 raste dhe me nga 1 rast komunat: Junik, Suharekë dhe Shtime.

Mos i humb