Kosova me medalje në Argjentinë, triumfon Erza
Erza Muminovic ka fituar medaljen e bronztë në Lojërat Olimpike për të rinjë që po zhvillohen në Buenos Aires të Argjentinës.
Xhudistja pejane e ka mposhtur në luftën për medalje të bronztë ukrainasen Anastasia Balaban.
Erza në rundin e dytë është mposhtur nga indiania Devi Tababi Thangjam. Pas humbjes, xhudistes kosovare iu dha mundësia të luftojë për medalje të bronztë përmes repesazhit.
Duelin e parë e fitoi me bullgaren Aleksa Georgieva, ndërsa atë të dytë ndaj garueses nga Azerbajxhani, Vusala Karimova.
Duhet cekur se flamuri i Kosovës të shtunën mbrëma ka parakaluar për herë të parë në Lojërat Olimpike për të rinj.