Hoti porosi deputetetëve: Miratojeni buxhetin e rishikuar, t’i bëjmë pagesat për qytetarët e bizneset

Kryeministri Hoti sapo ka lëshuar një porosi në Facebook për deputetët e Kuvendit të Kosovës.

Hoti shkruan se është tepër e rëndësishme që të miratohet buxheti i rishikuar për të kryer pagesat për qytetarët dhe bizneset nga paketa ekonomike.

“Është tepër e rëndësishme që sot Kuvendi të miratojë buxhetin e rishikuar për 2020, si edhe të ratifikojë marrëveshjet ndërkombëtare për grante dhe kredi.

Kjo na hap rrugë për të vazhduar me pagesën e masave të mëhershme për të papunë dhe biznese, si dhe për të nisur zbatimin e programit për rimëkëmbje ekonomike. Fondi për rimëkëmbje ekonomike prej 385 mil. euro është pjesë e këtij buxheti”, shkruan kryeministri në njoftim./Indeksonline/