Kryetari i kërkon të kandidojë pasi s’kishte rival, pastruesja befasisht fiton zgjedhjet

Për katër vjetët e fundit, Marina Udgodskaya, ka pastruar zyrat e ndërtesës së administratës lokale në Povalikhino, zonë rurale e Rusisë.

Tani pastruesja 35-vjeçare po i heq pluhurat e saj për të lëvizur në vendin e shefit, pasi fitoi zgjedhjet në fillim të këtij muaji.

Kur askush në fshat nuk u regjistrua për të sfiduar kandidatin Nikolai Loktev, i cili është nga partia pro-Kremlinit, e bindi Udgodskayan të regjistrohej si “rivale” e tij për të siguruar kërkesën minimale të dy kandidatëve.

Ky plan dha një efekt të kundërt kur pastruesja e mundi, shkruan abcnews.al. Kështu, ajo fitoi pothuajse 62% të votave, ndërsa shefi i saj mori vetëm 34%.

“Nikolai Loktevi mendoi se askush nuk do ta votojë atë dhe ai do të qëndrojë në punë. Por qytetarët zgjodhën Marina Udgodskayan”, i tha BBC-së një anëtar i Komisionit lokal të zgjedhjeve nga Povalikhino.

Udgodskaya mori telefonata të shumta pasi fitorja e saj e befasishme u bë lajm kombëtar.

Por në një intervistë ajo u shfaq e habitur nga fitorja, duke e përshkruar veten si një kandidate “false”, e cila nuk ishte “e gatshme” për një promovim kaq të shpejtë.

“Nuk mendoja se njerëzit do të votonin për mua”, i tha ajo kanalit të lajmeve Telegram Podyom.