Kurti: Ajo që pamë sot ishte e tmerrshme

Kryeministri i Kosovës, Albin Kurti ka reaguar për rastin e sulmit ndaj të moshuares në Shtëpinë e të Moshuarve “Orenda” në Pejë.

Ai thotë se ajo që pamë sot ishte e tmerrshme, raporton Indeksonline.

Reagimi i plotë:

Ajo që pamë sot ishte e tmerrshme. Nuk ka qytetar i cili s’është shokuar, kurse institucionet me të marrë vesh sulmin mbi nënën, të moshuaren, në Qendrën Strehimore në Pejë, janë aktivizuar dhe kanë vepruar.

Të moshuarit janë më të dashurit tanë. Ata kanë kontribuar në shoqëri në aq shumë aspekte për kohën më të gjatë sesa të gjithë ne të tjerët. Do të qëndrojmë pranë tyre si me vendime e përgjegjësi qeveritare, gjithashtu edhe me ndenjën dhe përkujdesjen qytetare.