Kurti flet nga Londra: Kemi shumë nevojë për investime

Kryeministri i Kosovës, Albin Kurti është duke marrë pjesë në Samitin e Bankës Evropiane për Rindërtim dhe Zhvillim për vitin 2020, që po mbahet në Londër.

Kurti në një intervistë për Jonathan Wells, ka ndarë përshtypjet e tij rreth këtij samiti, vizionin dhe shpresat e tij si kryeministër.

“Para 75 viteve, Evropa Perëndimore ishte SHBA dhe SHBA kishte marshall planin. Ne e bëjmë Evropën dhe besoj se ajo mund të bëj më shumë për ne.

30 vitet e fundit, kemi harxhuar 30 miliardë euro për 700 projekte dhe besojmë se duke e zbatuar më shumë ligjin dhe duke e luftuar korrupsionin, do të kemi më shumë investime nga Evropa Perëndimore”, tha Kurti, përcjellë Indeksonline.

Ai foli edhe për linjën hekurudhore me Serbinë, duke thënë se nevojitet infrastrukturë më e mirë.

“Jemi të fokusuar në linjën hekurudhore Prizren – Tetovë dhe prej jugut në veri, që do të thotë nga Hani i Elezit me kalu nëpër Leshak dhe në kufi me Serbinë.

Nevojitet infrastrukturë më e mirë e hekurudhave për lëvizje më të mirë të brendshme dhe të jashtme.

Mosha e mesatare e popullit në Kosovë është nën 30 vjet na nevojiten investime, po kërkojmë më shumë investitorë me rrit ekonominë e tregut. ERBD është oferta më e lirë, ne mund të punojmë më mirë sesa ka bërë qeverisja e kaluar”.

Kurti, gjithashtu tha se në Kosovë njerëzit janë të entuziasmuar me qeverisjen e re.

“Unë jam vetëm qe tri jave në zyrë, por është entuziazëm i madh në Kosovë dhe po transmetohet ne gjithandej.

Njerëzit po e çmojnë më shumë punën se sa reklamat në Kosovë”, tha ndër të tjera kryeministri kosovar./Indeksonline