17:33 / E Mërkurë, 04 Prill 2018 / indeksADMonline

Kurti i kërkon Ramës të heq taksën në “Rrugën e Kombit”: Kosovarët nuk janë të pasur

Nën patronazhin e Partisë Europiane Socialiste u zhvillua në Tiranë konferenca ballkanike e të majtëve të rajonit, ku Kosova u përfaqësua nga Albin Kurti i Vetëvendosjes dhe Fatmir Limaj i Nismës Socialdemokrate.

Kryeministri i Shqipërisë, Edi Rama i kërkoi me këtë rast Brukselit që të mbajë fjalën e të heqë vizat për qytetarët e Kosovës.

“Për ne shqiptarët është me rëndësi që Bashkimi Europian të mbajë fjalën dhe të liberalizojë lëvizjen për të gjithë qytetarët e Kosovës dhe jam i bindur se Presidenti i Partisë Socialiste Europiane ndan të njëjtin qëndrim”, deklaroi Rama.

Ndërsa i pari i Vetëvendosjes, Albin Kurti i kërkoi Tiranës që të heqë taksën e Rrugës së Kombit, gjë të cilën nënvizoi se ia kishte thënë edhe Edi Ramës.

“Taksa është e shtrenjtë, kosovarët nuk janë të pasur. Është më mirë mirëmbajtja nga taksat e shtetit”, deklaroi Kurti.

Temat:
Mos i humb

Të fundit nga Lajme