10:52 / E Hënë, 03 Gusht 2020

Kusari-Lila: Uroj që Hotit të mos i mbetet zemërimi dhe gjuha agresive e bashkëpartiakëve që u shëruan nga virusi

Deputetja e Kuvendit të Kosovës, Mimoza Kusari Lila ka reaguar përsëri lidhur me gjendjen shëndetësore të kryeministrit Avdullah Hoti,i cili u prek me virusin COVID-19.

Kusari-Lila duke i uruar përsëri shërim të shpejtë tha poashtu se uron që Hotit të mos i mbetet zemërimi dhe gjuha agresive e bashkëpartiakëve të tij të cilët u shëruan nga virusi.

Madje ajo tha se  përgjigja e Hotit për kohën e testimit dhe pritjen e rezultatit, nuk e liron nga përgjegjësia që mban dhe se kjo përgjigje vë në pah diskriminimin dhe injorimin që po u bëhet të sëmurëve dhe viktimave nga virusi në Kosovë, transmeton Indeksonline.

Ajo tha se nëse Hoti pretendon të jetë kryeministër i përgjegjshëm, duhet të pranojë gabimet dhe pasojat që vijnë me të.

Reagimi i plotë nga Kusari-Lila:

I nderuar z. Hoti,

Së pari edhe një herë për ditën e sotme, ju uroj të shëroheni sa ma parë dhe me sa më pak pasoja. Në veçanti uroj të mos ju mbetet zemërimi dhe gjuha agresive e bashkëpartiakëve tuaj të cilët u shëruan nga virusi.

Së dyti, përgjigja juaj për kohën e testimit dhe pritjen e rezultatit, nuk ju liron nga përgjegjësia që mbani. Përkundrazi, kjo përgjigje vënë në pah diskriminimin dhe injorimin që po u bëhet të sëmurëve dhe viktimave nga virusi në Kosovë.

Ka shumë familje që janë privuar nga e drejta e lamtumirës me më të dashurit e tyre si rrjedhojë e mos posedimit të rezultatit të testit, por vetëm se është dyshuar se ishin të infektuar, ata janë varrosur (ndonjëherë edhe në mbrëmje) të mbështjellë me najllonë në përcjellje të policisë. Pas dy dite është kuptuar se ishin negativ në dyshimin për infektim.

Së treti, ju nuk mund të zgjedhni të silleni në kundërshti me të gjitha rekomandimet e IKPSHK-së për qytetarët të cilëve nuk ju lejohen vizitat, ndërsa ju personalisht, vetë i 30-ti vizitoni biznese e përuroni rrugë sikur mos të ishim vendi me më së shumti viktima në Botë për kokë banori, e pastaj të pritni mirëkuptim dhe amnisti nga përgjegjësia kur kuptoni se jeni të infektuar.

Z. Hoti, nëse pretendoni të jeni Kryeministër i përgjegjshëm, atëherë, duhet të pranoni gabimet tuaja dhe pasojat që vijnë me to.

Ju u sollët për t’u kritikuar z. Hoti, ju nuk respektuat rregullat dhe vazhdoni të mos mbani përgjegjësi për pasojat që i vuajnë edhe tjerët rreth jush.

Andaj, para se të krijoni më shumë dëm se sa që keni krijuar deri më tani dhe para se të mos vijmë në ditën kur zyrtarisht jemi në katastrofë, thirrni ndërgjegjës dhe merrni përgjegjësi të cilat vijnë me postin të cilin pa legjitimitet e mbani.

Mos i humb