Ky është babai më i adhurueshëm i karantinës
Pasi u vendosën masat izoluese në Spanjë për të parandaluar përhapjen e Covid-19, një baba pati një zgjidhje origjinale për të argëtuar familjen dhe fqinjët. Çdo ditë, teksa hidhte mbeturinat, ai dilte i veshur me një kostum ndryshe. Jaime Coronel tregoi për Arab News se gjatë karantinës rregulluan magazinën dhe gjetën një kostum të Olafit (Frozen) dhe kështu lindi gjithçka.
Në fillim Jaime dilte vetëm dhe më pas mori edhe të bijën me vete. “Vajza ime u vesh si Elsa dhe vendosëm të visheshim çdo ditë teksa hidhnim mbeturinat. Të gjithë na duartrokisnin,” tha ai. “Unë dhe Mara gjithnjë vishemi bashkë për karnavalet ose Halloween-in dhe gjithashtu krijuam edhe disa kostume të tjera në shtëpi.”
Jaime tregoi se e ka bërë paradën e kostumeve për 38 ditë. “Fqinjët janë të mrekullueshëm sepse falë tyre vazhduam.” Siç mund ta shihni në vijim, fqinjët i presin çdo ditë për t’i duartrokitur.