Ky është këmbësori që u godit për vdekje nga vetura në Istog

Sot rreth orës 14:44 në Istog ka vdekur një këmbësor, si pasojë e goditjes nga aksidenti që ka ndodhur në mes dy veturave.

Burime të Indeksonline tregojnë që viktima është 43-vjeçari, Hasan Arifaj nga fshati Rakosh.

Nga ky aksident, kanë marrë lëndime trupore edhe dy persona të tjerë.

“Sot rreth orës 14:44 në Komunën e Istogut një këmbësor ka vdekur si pasojë e goditjes nga një veturë e cila është aksidentuar me një veturë tjetër. Dy persona janë lënduar dhe kanë pranuar tretman mjekësor, njëri në spitalin rajonal në Pejë, kurse tjetri në QKUK në Prishtinë. Vdekja e këmbësorit u kosntatua nga mjeku kujdestar në QKMF-në në Istog. Në vendin e ngjarjes kanë dalë të gjitha njësitet policore dhe prokurori kurse me urdhër të prokurorit trupi i pajetë është dërguar për abduksion”, ka konfirmuar zëdhënësi i Policisë për Rajonin e Pejës, Fadil Gashi./Indeksonline/