La Liga suspendon Bellinghamin për dy ndeshjet e ardhshme
Lojtari i Real Madridit Jude Bellingham, është suspenduar nga La Liga për dy ndeshjet e ardhshme pas kartonit të kuq që mori në ndeshjen e fundjavës ndaj Valencias.
Kjo gjë erdhi pas vendimit kundërthënës të referit Gil Manzano, i cili dha sinjalin për të përfunduar ndeshjen gjatë momentit ku anglezi shënoi gol në fund të ndeshjes, shkruan IndeksOnline.
Bellingham, pas anulimit të golit të tij protestoi për vendimin e referit dhe u ndëshkua me karton të kuq pas përfundimit të ndeshjes.
Mesfushori anglez pritet të mungoj në dy ndeshjet e ardhshme, ndaj Celta Vigos dhe Osasunas.
Po ashtu vlen të theksohet që edhe referi Manzano, mund të suspendohet për gabimet që bëri gjatë ndeshjes, por s’ka asgjë definitive. /IndeksOnline/