LDK mbanë mbledhje me degët: Jemi gati për zgjedhje

Lidhja Demokratike e Kosovës ka mbajtur sot takim me kryetarët e degëve. Partia më e madhe opozitare vlerëson se është koha për zgjedhje të reja në Kosovë dhe se janë gati për këtë.

“Sot është mbajtur mbledhja me Kryetarët e Degëve të LDK-së, ku u vlerësua edhe një herë se vendi ka hyrë në krizë të thellë institucionale dhe politike.

Kryetarët e Degëve e vlerësojnë qëndrimin e Kryesisë së LDK-së, të dhënë në mbledhjen e fundit të Kryesisë së LDK-së, lidhur me zhvillimet e fundit politike.

Është e qartë se qeveria e pakicës nuk mund të udhëheqë me vendin dhe se temat e rëndësishme për vendin nuk mund të adresohen nga një qeveri e rënë.

Kryetarët e Degëve kanë intensifikuar përgaditjet për zgjedhjet e parakohshme.

Në ditët në vijim, Kryesia e LDK-së do të jenë në secilën degë të LDK-së për të komunikuar me stukturat e degëve dhe për të intensifikuar përgatitjet për zgjedhje.

Degët e LDK-së janë të gatshme t’i nënshtrohen procesit zgjedhor dhe janë të bindur në mbështetjen e qytetarëve” thuhet në njoftimin e LDK-së./Indeksonline/