Lekaj-inspektorëve: Të mos kursehet askush që ka ra ndesh me ligjin

Ministri i Infrastrukturës, Pal Lekaj ka kërkuar nga inspektorët e ministrisë që drejton, ka kërkuar të materializohet ligji në teren, të mos kursehet askush që ka ra ndesh me ligjin, qoftë kompanitë që ndërtojnë rrugët, ato që i mirëmbajnë.

Ai po ashtu i ka porositur që të kontrollohen kyqjet në rrugët magjistrale, nacionale dhe autostrada, panot reklamuese, kontrollat teknike, autoshkollat, njësitë e patentë shoferit, stacionet e autobusëve dhe mirëmbajtja e linjave të transportuesve të udhëtarëve dhe të gjitha të tjerat që janë në domenin e Departamentit të Inspektoriatit.

“I ofrova mbështetjen e plotë të gjithë inspektorëve për të kryer detyrën e tyre, e kjo nënkupton që rrugët tona të jenë me të sigurta dhe pjesëmarrësit në komunikacion të mos rrezikohen, sepse mjaftë më me aksidente, humbje jete e lëndime trupore të qytetarëve tonë”, ka shkruar ai.