Limaj: Grenell e bëri të qartë çka pret administrata amerikane nga institucionet e reja
Lideri i Nismës Socialdemokrate, Fatmir Limaj, ka thënë se mesazhi i sotëm i ambasadorit Grenell ishte i qartë dhe konkret për angazhimet e politikes amerikane në drejtim të Kosovës.
Limaj ka thënë se ai e bëri të qartë se çka pret administrata amerikane nga institucionet e reja në mënyre që të thellohet marrëdhiet stragtegjike mes dy vendeve.
Në një postimi në llogarinë e tij në “Facebook”, Limaj ka thënë se Kosova duhet të shpreh zotim dhe përkushtim në agjenden e përbashkët për t’i dhënë mundësi përmbylljes së dialogut Kosovë- Serbi si dhe për t’i dhënë një perspektivë Kosovës e rajonit drejt integrimeve evropiane.
Postimi i Limajt:
Mesazhi i ambasadorit Grenell ishte i qartë dhe konkret për angazhimet e politikës amerikane në drejtim të Kosovës dhe po ashtu e bëri të qartë se çka pret administrata amerikane nga institucionet e reja dhe drejtuesit politikë të Kosovës për të ruajtur e thelluar marrëdhëniet strategjike mes nesh.
Ne duhet të shprehim zotim, përkushtim dhe koordinim në agjendën e përbashkët për t’i dhënë mundësi përmbylljes së dialogut Kosovë – Serbi, si dhe për t’i dhënë një perspektivë ekonomike e politike Kosovës dhe rajonit drejt integrimeve euroatlantike.