Lladrovci për Kuvendin: Ligji mund të jetë si llastiku, por Kushtetuta jo!

Në një opinion të publikuar në rrjetin social, kryetari i Drenasit, Ramiz Lladrovci, rreth mandatit të Kuvendit, si shqetësim jopolitik, ka theksuar: “situata aktuale, i jep të drejtë propozimeve të Qeverisë në detyrë për ridestinim të mjeteve buxhetore, pa dilemë, por, kjo duhet të ndodh me miratimin e Kuvendit”.

Lladrovci ka potencuar se “nëse nuk vepron Kuvendi, është duke u lejuar “gjakderdhjen financiare”, për mungesë koordinimi në mes të Qeverisë dhe Kuvendit. Ligji mund të jetë si llastiku, por Kushtetuta jo!”

Postimi i Lladrovci në fb:

Shqetësimet e mia jopolitike Për Kuvendin e Kosovës Përgjegjësia për të sjellë vendime madhore për luftimin e virusit covid-19, i jep mandat Qeverisë aq sa i jep Kushtetuta, por vendimet që tejkalojnë mandatin e saj, si propozime duhet të marrin përkrahjen nga Kuvendi.

Pozitë e opozitë duhet të jenë bashkë në këtë situatë. Pse Kuvendi po ia lejon Qeverisë në detyrë mandatin që nuk ia jep kushtetuta, siç është ndryshimi i Ligjit për Buxhetin. Ridestinimi i mjeteve të paraqitura nga qeveria për pakon financiare, duhet ta marrin bekimin e Kuvendit të Republikës së Kosovës. Situata aktuale, i jep të drejtë propozimeve të Qeverisë në detyrë për ridestinim të mjeteve buxhetore, pa dilemë, por, kjo duhet të ndodh me miratimin e Kuvendit.

Deputetët duhet të jenë ata që e miratojnë, gjithsesi, në pajtim me situatën e pandemisë. Nëse nuk vepron Kuvendi, është duke u lejuar “gjakderdhjen financiare”, për mungesë koordinimi në mes të Qeverisë dhe Kuvendit. Ligji mund të jetë si llastiku, por Kushtetuta jo!