Llapi shkarkoi dje Shotanin, sot prezanton trajnerin e njohur
Dje, kryesia e Llapit ka konfirmuar se ka ndarë rrugët me trajnerin, Bekim Shotani.
Trajnerit kosovar i skadoi kontrata pas përfundimit të stinorit vjeshtor, dhe palët nuk kanë arritur marrëveshje për vazhdim të bashkëpunimit.
Megjithatë, besohet se Llapi tashmë e ka gjetur trajnerin e ri, që pritet ta prezantojë sot, transmeton IndeksOnline.
Bëhet fjalë për trajnerin e njohur nga Maqedonia, Xhengiz Rexhepi, merr vesh Sheshi.
Rexhepi është i papunë aktualisht, teksa ka bërë karrierë edhe si ndihmës-trajner i Kombëtares së Maqedonisë.
Përndryshe, Rexhepi kishte kontaktuar me Llapin edhe para ardhjes së Shotanit në stol./IndeksOnline/