Lojtari i Besës përfundoi në spital pas ndeshjes
Futbollisti i Besës, Donart Sheqerolli kishte dy dhimbje pas ndeshjes së barazhit me Gjilanin.
Përveç humbjes, mesfushori menjëherë i është drejtuar qendrës emergjente për ta qepur buzën që e kishte lënduar gjatë ndeshjes.
Në fakt, ishte kapiteni i Gjilanit, Ylber Kastrati që në pjesën e parë në një duel e goditi me dorë Sheqerollin, i cili për disa minuta qëndroi jashtë fushe dhe nuk dihej nëse do ta vazhdonte lojën.
Por, për shkak të rëndësisë që kishte takimi, ai vendosi që të kthehet dhe i lënduar luajti gjithë takimin.
Mirëpo, pas duelit ai iu drejtuar spitalit dhe përfundoi me disa penjë të vendosur.
Besa pësoi 1:0 nga Gjilani.