Marokeni kapet në flagrancë duke vjedhur në një market në Prishtinë
Sot rreth orës 05:00, nga zyrtarët policorë të stacionit- Jugu në Prishtinë, është arrestuar në flagrancë një person i dyshuar i cili me forcë ishte futur brenda një marketi në rrugën “Rexhep Krasniqi”, në Prishtinë.
I dyshuari M. Z. mashkull 22 vjeç, shtetas i Marokut, me urdhër të prokurorit është dërguar në mbajtje për 48 orë.
Burime të IndeksOnlinet njoftojnë se ky është rasti i tretë që ndodh brenda dy jave nga po i njëjti person.
Mbështetur në të dhënat operativo-analitike të policisë ky i dyshuar është i kategorizuar si recidivist i veprave të tilla kriminale./IndeksOnline/