Mbeturinat që pushtojnë rrugicat e Prishtinës (Foto/Video)

Hedhja e mbeturinave nëpër rrugët e Prishtinës vazhdon të jetë një fenomen serioz që po i rrezikon qytetarët e saj. Madje ato mund të vërehen edhe afër qendrës së Prishtinës.

Këto janë disa pamje në rrugicën e Muzeut Kombëtar të Kosovës dhe Xhamisë që ndodhet pranë dhe pamjet lenë për të dëshiruar. Rrugica dhe ambienti përreth është i pushtuar nga mbeturinat që duken se janë të konsumit shtëpiak.

E si për ironi fare pranë ndodhen edhe kontejnerët por përsëri duket se persona të papërgjegjshëm preferojnë t’i hedhin në rrugë.

Vlen të theksohet se edhe mbeturinat shkaktojnë ndotjen e ajrit, problem ky që para pak ditësh ishte tepër i rrezikshëm për banorët e Prishtinës.