Mbi 95 mijë euro tenderi për rrënimin e objekteve pa leje në Prishtinë!
Në kryeqytet edhe më tej vazhdojnë të sjellin problem ndërtimet pa leje, e për këtë më shumë po preokupohet Drejtoria e Urbanizmit në komunën e Prishtinës. Madje, për këtë çështje komuna e cila udhëhiqet nga Shpend Ahmeti ka angazhuar një kompani që të merret me rrënimin e tyre.
Më 4 mars të këtij viti, Kuvendi i Komunës së Prishtinës ka kurorëzuar kontratën e radhës për këtë vit.
Titulli i kontratës i dhënë nga autoriteti kontraktues “Rrënimi i objekteve të ndërtuara pa leje- procedure emergjente”, i ka kushtuar këtij institucioni hiç më pak se 95 mijë e 450 euro- transmeton Indeksonline.
Kohëzgjatja e kontratës është bërë vetëm për 6 muaj.
Tenderin në fjalë e ka fituar operatori ekonomik N.P.N “Dardania”.
Nga ana tjetër, ndërtimet e objekteve banesore, afariste e individuale nuk kanë të ndalur në kryeqendrën kosovare. / Indeksonline/