08:17 / E Hënë, 02 Dhjetor 2019

Mbiemrat më të zakonshëm në Evropë, këta janë në Kosovë e në Shqipëri

Sipas portalit të regjistrimit të përgjithshëm dhe gjenealogjik Forebars.io, mbiemrat më të zakonshëm në Kosovë janë Krasniqi, derisa në Shqipëri Hoxha.

Këto të dhëna vijnë nga informacionet e grumbulluara përgjatë muajit gusht të këtij viti në lidhje me mbiemrat më të zakonshëm në vendet e Evropës.

Ndërkohë, në Holandë mbiemrat më të zakonshëm janë De Jong, derisa në Itali Rossi, në Gjermani Muller, e kështu me radhë.

Etimologjia e mbiemrit Krasniqi, sipas NetCredit-it, vjen nga emërtimi i fisit të Shqipërisë Verilindore, që ka jetuar në krahinën e Krasniqit, pjesë e Malësisë së Gjakovës.

Ndërkaq, mbiemri Hoxha, njofton po ai burim, rrjedh nga titulli në gjuhën persiane “khvajeh”, që do thotë Perëndi.

Sido që të jetë, mbiemri Hoxha është prezent si në Kosovë, ashtu edhe në Bosnjë e Hercegovinë (Hodzic).