Mbreti Charles lirohet nga spitali, pas operacionit që e pati

Mbreti Charles i Britanisë është kthyer në shtëpi nga spitali të hënën pasi iu nënshtruan trajtimeve të planifikuara.

Charles, 75 vjeç, i cili kishte kaluar tre net në spital pasi iu nënshtrua një procedure korrigjuese për një prostatë të zmadhuar, buzëqeshi dhe përshëndeti turmat teksa largohej nga Klinika e Londrës i shoqëruar nga gruaja e tij, Mbretëresha Camilla.

Disa orë më parë, Kate, gruaja e djalit të Charles,  gjithashtu u nis për në shtëpi pasi kaloi dy javë në të njëjtin spital privat pas operacionit abdominal.

Buckingham Palace tha në një deklaratë se Charles, i cili vizitohej në spital nga Camilla çdo ditë të qëndrimit të tij, dëshironte të falënderonte ekipin e tij mjekësor dhe të gjithë ata që e kishin mbështetur vizitën e tij në spital, shkruan Reutes.