16:24 / E Martë, 19 Tetor 2021 / A K

MD: Vijojnë konsultimet intenzive për hartimin e Strategjisë për mbrojtje nga dhuna në familje

Nën organizmin e Ministrisë së Drejtësisë, gjegjësisht zëvendësministres së Drejtësisë, Dr. Nita Shala, njëherit Koordinatore Kundër Dhunës në Familje, po vijon puna drejt hartimit të Strategjisë për mbrojtjen nga dhuna në familje dhe Planit të Veprimit 2022-2026.

Sipas njoftimit të MD-së, në kuadër të këtij angazhimi, po realizohen takime dy palëshe me anëtarë të organizatave të shoqërive civile, drejtuese të strehimoreve në gjithë Republikën,

“Oficerë policie nga gjithë stacionet policore në vend, të gjithë mbrojtësit e viktimave; të gjithë prokurorët e caktuar që punojnë në raste të dhunës në familje, dhe përfaqësues të emëruar nga kryesuesit e gjykatave të të gjitha niveleve në vend”, thuhet në njoftim.

Tutje theksohet se gjithashtu do të zhvillohet takim konsultativ me përfaqësues të organziatave ndërkombëtare e ambasadave të vendeve partnere.

“Strategjia është mundësi e artë për të evidentuar aktivitete konkrete në zgjidhje të sfidave të evidentuara nga praktika dhe në parandalim e adresim efikas të dhunës në familje”- shprehet Koordinatorja në takime.

“Takimet të rregullta do të ketë përgjatë ditëve në vijim deri në finalizimin e plotë të një drafti ambicioz, me shumë potencial dhe gjithëpërfshirës”, thuhet në fund.