Me aktivitete të shumta, Suhareka shënon 20 vjetorin e Çlirimit

Komuna e Suharekës shënon sot 20 vjetorin e Ditës së Çlirimit dhe ditës së Dëshmorëve të rënë në luftën e fundit.

Në shënimin e kësaj dite janë organizuar disa aktivitete, duke nisur me homazhe nga ora 10:00 te varrezat  dhe përmendoret e dëshmorëve, transmeton Indeksonline.

Kryetari i Suharekës, Bali Muharremaj, deputetët e Kuvendit të Kosovës, Sali Zyba, zv/ministër Burim Ramadani, etj, janë disa nga personalitetet që po marrin pjesë në manifestim.

Nga ora 13:00 në palestrën e sportit ’13 qershori’ pritet të mbahet një akademi kushtuar kësaj dite, derisa në muzeun e qytetit po ashtu do të hapet ekspozita ‘Album nga koha e luftës së UÇK-së. /Indeksonline/