Më e zezë e motra se vëllai diktator, për here të parë del nga Koreja e Veriut (Foto-Video)

Motra e diktatorit të Koresë së Veriut, Kim Yo Jong ka arritur në Olimpiadën Dimërore për një vizitë historike në Korenë e Jugut, ku ajo mund të vihet ballë për ballë me Zëvendëspresidentin amerikan Mike Pence.

Kim Yo Jong, e moshës rreth 30 vjeçare, dhe zyrtarë të tjerë të nivelit të lartë dhe truproje nga shteti i varfër u ulën në aeroplan privat të vëllait të saj përpara ceremonisë së hapjes së premten në Pyeongchang.

Ajo është anëtari i parë i dinastisë Kim në pushtet që ka kaluar kufirin në Jug dhe do të marrë pjesë në ceremoninë ku 22 atletë të Koresë së Veriut do të marshojnë me konkurrentët nga Jugu pas një flamuri të bashkuar.

Kim, i cili thuhet se u shfaq “e zymtë” në aeroport, është quajtur “Ivanka e Koresë së Veriut” nga disa media, një referencë për vajzën e presidentit amerikan Donald Trump.

Pence po përfaqëson SHBA në ceremoni dhe u tha të ketë takuar shkurtimisht kreun ceremonial të Koresë së Veriut, Kim Yong Nam, në një pritje mikpritëse përpara se të nisej dhe të kapërcente një darkë me udhëheqësit botërorë. /Indeksonline/