Me makinë 200 mijë euroshe, drita dhe sirena policie, Maradona vjen me çmendurinë e radhës
Maradona kurrë nuk pushon së na habituri, për mirë dhe për keq.
Videoja e fundit, që shpejt u bë “virale”, e publikuar në llogarinë e Twitter-it të Diario Hoy, tregon ish-kampionin e Napolit dhe Barcelonës duke vozitur një BMW, e cila vlen rreth 200 mijë euro, e pajisur me aksesorë të ndaluar me ligj, siç janë dritat dhe sirenat, që përdoren vetëm nga policia.
Kjo video është shpërndarë sot në mediat argjentinase, fillimisht, pastaj ka bërë xhiron e botës, por në fakt i përket periudhës para izolimit prej Covid-19.
Në të mund të shihni blerjen luksoze të Diego Armando Maradonës, një “bishë” e vërtetë automobilistike.