Me rrymë, me ujë edhe me Bayernin nuk ka hajgare!
Bayerni pothuajse e ka siguruar kualifikimin në çerekfinale të Ligës së Kampionëve.
Bavarezët kanë fituar në Stamford Bridge kundër Chelseas me rezultat 0-3 në ndeshjen e parë të fazës së 1/8.
Pjesa e parë nuk dhuroi gola edhe pse kishte disa raste shënimi, shkruan Indeksonline.
Në pjesën e dytë u aktivizua “makineria” gjermane duke shënuar tri gola.
Gnabry realizoi dy gola të shpejtë në minutat e 51-të dhe 54-të, ku të dy herët u asistua nga Lewnadowski.
E polaku u përkujdes që golin e tretë ta shënoj vetë në minutën e 76-të.
Në minutën e 83-të, Marcos Alonso u ndëshkua me karton të kuq pas një goditje kundrejt Lewandowskit.
Ndeszhja në Alianz Arena do të luhet me 18 mars. /IndeksOnline/