Mediat e Lituanisë: Pallati i Rinisë dhe Sporteve duket si fushë e një gjimnazi (Foto)
Pallati i Rinisë dhe Sporteve në Prishtinë duket si një shkollë për gazetarin nga Lituania, Martynas Suslaviciues, i cili është i pranishëm në Prishtinë, shkruan IndeksOnline.
Ai ishte i befasuar nga pamjet në palestër, ku ekipi i Kosovës ishte duke stërvitur në praninë e disa punëtorëve të cilët ishin duke vendosur logot e FIBA-s.
Gazetari nga Lituania, pëlqen Prishtinën si vend, por edhe ky e ka vërejtur se mungojnë kushtet e mira për sportistët.
“Të premten, ekipi i basketbollit të Lituanisë do të luaj më shumë në një gjimnaz të shkollës se sa në një vend ku ata janë mësuar”, ka shkruar gazetari Martynas në mediat e Lituanisë.
Ndeshja mes Kosovës dhe Lituanisë e vlefshme për kualifikimet e Kupës së Botës “Kina 2019”, zhvillohet nesër nga ora 19:00./IndeksOnline/