Mediat italiane bëjnë gafën e vitit me Grezdën, para ndeshjes Shqipëri-Itali

Eros Grezda bëri një paraqitje mjaft të mirë në ndeshjen përballë Italisë, edhe pse kombëtarja shqiptare u mund me rezultatin 0-1.

Performanca e tij u vlerësua nga mediat italiane, por meritat duket se i ka marrë dikush tjetër.

“Corriere dello Sport” ishte ajo që e vlerësoi sulmuesin me notën 6.5, më e larta për kuqezinjtë, por ndërkohë në foton e bashkangjitur emrit të tij, ishte vendosur ajo e Amir Rrahmanit. Edhe pse e cilësojnë si më të rrezikshmin për Shqipërinë, mesa duket italianët nuk ia kanë fiksuar fytyrën Grezdës.