Meghan Markle ndryshon aksentin, komentuesit thonë se e turpëroi vendin e saj (Video)

Meghan Markle dhe Princi Harry nuk kanë as dy muaj të martuar ende, por Dukesha e Sussex duket se është goxha rehat me jetën e saj të re, saqë duket që në fjalorin e saj ka adoptuar edhe aksentin anglez.

Përdoruesit e “Twitter” kanë ndarë një video të Meghan, e cila ishte duke biseduar me adhuruesit e saj në festën e Mbretëreshës Elizabeth, muajin e kaluar. Por ajo që vërehet është ndryshimi i aksentit nga ai i Los Angelos në diçka më britaneze.

“Sapo shikova këtë videon ku Meghan Markle ka filluar të ketë një aksent britanez, jam këtu për ta dëgjuar” ka shkruar një person në Twitter.

Ndryshe, Meghan Markle është aktore e njohur amerikane por që nga martesa me Princin britanez, nuk pritet që më t’i rikthehet aktrimit./Indeksonline/