Mehmeti: Policët janë gjuajtur në veri me armë dhe granata dore

Drejtori i Përgjithshëm i Policisë së Kosovës, Samedin Mehmeti, ka treguar se aksioni i ndërmarr këtë të mërkurë ka nisur një vit më parë.

Ai ka treguar se nga nëntë lokacione sa ka qenë e planifikuar të realizohen në veri, në tetë prej tyre nuk kanë arritur për shkak të rezistencës nga serbët lokalë.

Në konferencë për media, Mehmeti ka thënë se zyrtarët policorë janë sulmuar edhe me bomba dore.

“Tetë zyrtarë policorë kanë pësuar lëndime gjatë këtij aksioni por janë jashtë rrezikut për jetë”.