Mercedesi paralajmëron punëtorët: Orë shtesë gjatë jave, ose ulje page!

Kryetari i bordit mbikëqyrës të Mercedes-Benz, Martin Brudermüller , ka bërë thirrje për një diskutim mbi kostot më konkurruese të punës në Gjermani, duke thënë se është e arsyeshme t’u kërkohet njerëzve të punojnë përsëri me orë më të gjata.

“Duhet ta shqyrtojmë seriozisht kthimin në një javë pune 40-orëshe”, tha Brudermüller.

Edhe pse nuk është një kërkesë ligjore, një javë pune 35-orëshe është standarde në kompanitë në industrinë gjermane të automobilave që kanë marrëveshje kolektive – përfshirë Mercedes-Benz.

Kostot e punës në Gjermani janë bërë shumë të larta sipas standardeve ndërkombëtare, tha Brudermüller. “Ne nuk kemi më një avantazh produktiviteti ndaj konkurrentëve tanë kryesorë.”

Pra, ka dy mekanizma: ose ulni pagat ose njerëzit punojnë më gjatë për të njëjtat paga ”, tha ai, duke shtuar se opsioni i parë nuk është i arsyeshëm në praktikë.

I pyetur në lidhje me jetëgjatësinë e punës, Brudermüller tha se, duke pasur parasysh popullsinë në plakje, arsyeja e shëndoshë ekonomike dikton që sistemi gjerman “nuk mund të financohet pa jetëgjatësi më të madhe pune”.

Të punosh më gjatë gjithashtu kontribuon në ruajtjen e shëndetit dhe aktivitetit në pleqëri, tha ai. “Puna gjithashtu u jep njerëzve strukturë, pjesëmarrje dhe kuptim në jetë”, shtoi ai.

Sipas ligjit aktual, koha e punës ditore e një punonjësi nuk mund të kalojë tetë orë, megjithëse mund të zgjatet në 10 orë në kushte të caktuara.

Pas përfundimit të kohës së punës ditore, punonjësit duhet të kenë një periudhë pushimi të pandërprerë prej të paktën 11 orësh, e cila mund të reduktohet në 10 orë në kushte të caktuara, për shembull në spitale, kompani transporti ose restorante./Indeksonline/