Ministria konfirmon mundësinë e dhënë kandidatëve që munguan në testimin për rekrutë të FSK-së
Të gjithë kandidatët për rekrutë të cilët kanë munguar në testimin e mbajtur më 21 dhe 22 mars, kanë edhe një mundësi, përcjellë Indeksonline.
Sipas një njoftimi të Ministrisë së Mbrojtjes, thuhet se procesi i testimit për të gjithë ata që kanë munguar do të mbahet më 25 mars.
Më poshtë gjeni njoftimin e plotë të Ministrisë së Mbrojtjes:
Njoftohen kandidatët që kanë konkuruar për rekrutë/OR1 të Forcës së Sigurisë së Kosovës, në konkursin e shpallur më 11.02.2019, e të cilët kanë munguar në testim më datën 21.03.2019 dhe 22.03.2019, se do t’u mundësohet të marrin pjesë në procesin e testimit më datën 25.03.2019 sipas orarit të testimit i cili gjindet në faqen zyrtare të Ministrisë së Mbrojtjes, respektivisht në adresën, ëëë.mksf-ks.org, linku; KONKURS PËR REKRUTIMIN E REKRUTËVE TË RINJ-USHTAR AKTIV PËR SHËRBIM NË FSK.
Vëmendje:
Kandidatët ditën e testimit duhet të kenë me vete:
- Numrin e aplikimit
- Letërnjoftimin apo ndonjë dokument identifikimi
Të gjithë kandidatët të cilët kanë aplikuar e nuk mund ta gjejnë vetën në njërin nga grupet e publikuara, për informata shtesë të lajmërohen në numrat e telefonit 038-603-355/199 pranë Zyrës së Rekrutimit të FSK-së.
VINI RE: - Të gjithë kandidatët duhet të paraqiten me kohë në vendin ku do të mbahet testimi, së paku 15 minuta para orarit të publikuar për testim.
- Kandidatët në ditën e testimit duhet të jenë të veshur me rroba sportive.
- Kandidatët gjatë kohës së testimit nuk lejohet që me vete të posedojnë apo të përdorin pajisje të teknologjisë informative siç janë telefonat mobilë, kalkulatorë, orë të mençura etj.
- Kandidatët të cilët gjatë konkurrimit nuk e kanë sjelluar vërtetimin nga gjykata mund të marrin pjesë në testim vetëm në rast se vërtetimin nga gjykata e sjellin në ditën e testimit
Kandidatët do t’i nënshtrohen Testit të Aftësive dhe Testit të Fitnesi Fizik të cilat do të mbahen në Kazermën ‘’Skënderbeu’’ në Ferizaj.
Ministria e Mbrojtjes ju uron suksese të gjithë kandidatëve që do të marrin pjesë në procesin e testimit.