Napoli i ka refuzuar 90 milionë euro për Koulibaly

Presidenti i Napolit, Aurelio De Laurentiis e gjeti veten të detyruar të marrë një vendim të rëndësishëm për të ardhmen e mbrojtësit të klubit, Kalidou Koulibaly.

Pronari i Napolit ka deklaruar vazhdimisht se mbrojtësi ishte i pazëvendësueshëm dhe se vetëm një ofertë tepër e lartë do ta bënte atë ta konsideronte një marrëveshje, transmeton Indeksonline.

 Ajo ofertë, sipas la Gazzetta dello Sport, arriti në fillim të kësaj vere. Erdhi nga Manchester United, dhe oferta ishte 90 milionë euro, praktikisht e njëjta shumë e paguar më vonë për Harry Maguire.

De Laurentiis, megjithatë, mbeti i vendosur në pozicionin e tij dhe përsëriti se ata duhet të plotësojnë klauzolën e lëshimit për Koulibaly, prej 150 milionë euro, dhe pastaj mbrojtësi mund të largohej nga klubi napolitan.

Mbrojtësi i Napolit, Kostas Manolas mbërriti nga Roma në fillim të kësaj vere për 36 milionë euro, dhe Partenopei do të shpresojë se mbrojtësi grek do të krijojë një partneritet të fortë shpejt me Koulibaly./Indeksonline/.