Nga viti i ardhshëm, mjekët marrin pagën me rritje
Kryetari i Kuvendit, Kadri Veseli ka bërë të ditur se nga viti i ardhshëm, mjekët dhe stafi shëndetësor do të marrin pagën me rritje.
Në një postim në Facebook, Veseli ka përgëzuar ministrin e Shëndetësisë për punën që po bën në kthimin e besimit te qytetarët, transmeton Indeksonline.
Më poshtë postimi i Veselit:
Mjekët dhe i gjithë stafi shëndetësor nga viti i ardhshëm do ta marrin pagën me rritje. Gjatë diskutimit që pata sot me drejtuesit e Sindikatës së Shëndetësisë, konfirmova se me një pako fiskale dhe Ligjin për Buxhetin 2019, do të përfshihet kjo rritje, por edhe investime të tjera që transformojnë gjendjen në sektorin e shëndetësisë.
Po ashtu, do t’i përgjigjemi një shqetësimi të infermierëve të ngritur nga kjo sindikatë. Shëndetësinë e kemi prioritet. Dua ta përgëzoj Ministrin Uran Ismaili dhe gjithë stafin shëndetësor për punën që kanë bërë dhe po bëjnë në kthimin e besimit të qytetarëve tanë në shërbimet publike shëndetësore./Indeksonline/