07:54 / E Enjte, 08 Dhjetor 2022 / GF

Një zbulim i çuditshëm tregon se kjo bimë duhani prodhon kokainë në gjethet e saj

Një bimë e ngjashme me duhanin e quajtur Nicotiana benthamiana është modifikuar gjenetikisht për të prodhuar kokainë në gjethet e saj

“Kokaina (hidrokloruri) është një drogë e cila vepron si një stimulues jetëshkurtër i sistemit nervor qendror dhe anestezik lokal”, shpjegon NHS.

Kokaina është e njohur si një drogë ilegale, por ajo është përdorur gjithashtu në praktikat mjekësore si një anestezik lokal ose për të ngushtuar enët e gjakut për të frenuar gjakderdhjen.

Megjithatë, kompanitë farmaceutike janë të kufizuara në mënyrat se si mund të prodhojnë ilaçin, pasi hapat kryesorë në biosintezën e tij kanë mbetur një mister.

Kokaina prodhohet natyrshëm në gjethet e bimës Erythroxylum coca, por një ekip studiuesish në Institutin Kunming të Botanikës në Kinë vendosën të shohin nëse mund ta rikrijonin vetë këtë proces – me rezultate të jashtëzakonshme.

Duke përdorur modifikimin gjenetik të bimës N. benthamiana, ata prodhuan dy enzima EnCYP81AN15 dhe EnMT4, që gjenerojnë kokainë kur gjethet thahen.

Me këtë njohuri, studiuesit iu drejtuan bimës së duhanit, gjethet e së cilës përmbajnë një substancë të quajtur omitinë, e cila kimikisht është e ngjashme me MPOA.

Ky modifikim nënkuptonte që bima e duhanit mund të prodhonte metilecgonone, shtylla kurrizore e kokainës, në gjethet e saj.

Eksperimentet treguan se bima e modifikuar mund të prodhonte rreth 400 nanogramë kokainë për miligram gjethe të thata.

Autori kryesor Dr Sheng-Xiong Huang tha për MailOnline: “Është e mundur të inxhinierohen analoge të ndryshme të kokainës për zbulimin e drogës. Megjithatë, ne nuk e dimë nëse mund të marrim stimulues që kanë reduktuar vetitë psikoaktive.”

“Motivimi im më i rëndësishëm për të zgjidhur çështjen e biosintezës së kokainës është kurioziteti shkencor.”

New Scientist raportoi se gjetja mund t’i ndihmojë njerëzit të prodhojnë ilaçe të reja për studime shkencore.

Megjithatë, ekipi tha se studimi i tyre ofron “implikime të rëndësishme” për prodhimin farmaceutik dhe shpresojnë se kërkimi i tyre mund të çojë në modifikimin e organizmave të tjerë që mund ta prodhojnë atë në një shkallë më të madhe, si bakteret.